Hoxe asistimos a unha sesión de cine moi especial tras recibir unha misteriosa carta na que nos preguntaban polo nome das praias de Aguiño e tamén unhas entradas que decían "cine castrexo".
De alí a un pouco chegou un "acomodador" a buscarnos á aula e antes de entrar na sala de audiovisuais, tivemos que darlle as entradas
A sala estaba moi obscura pero o "acomodador" axudounos encendeno a súa lanterna para indicarnos o asiento que tiñamos que ocupar
Sentada diante da pantalla de proxección estaba unha muller vestida con roupas moi extrañas, como da época en que vivían os castrexos e castrexas.
Ela contounos que lle gustaban moito as nosas praias da Catía e do Castro pero que non sabía por que lles puxeran ese nome. Un amigo seu, o capitán Benito, díxolle que dentro dun paquete que lle dou, estaba a solución á súa pregunta. Pero, que habería nese paquete?
Isto era o que había , un cd que tiña ....
.... pois tiña a historia de Catía, unha rapaza que vivía nun castro ao borde do mar e que un día recibiu a visita das deusas para advertirlle que os homes do seu poboado estaban a acabar con todo o peixe do mar.
As deusas enfadadas mandaron unha tormenta de area que cubriu todo o castro pero afortunadamente Catía conseguíu salvarse coa axuda dos sanxoáns que a suxeitaron para que non afundira na area. Dende entón , a finais do mes de xuño sempre hai sanxoáns que veñen cada ano para que recordemos o que fixeron as deusas enfadadas por culpa daqueles homes que querían acabar con todo o peixe do mar.
Pero ademáis de escoitar esta historia, tamén fixemos xogos na pizarra dixital nos que tiñamos que compoñer o nome de Catía, ordear as secuencias da historia, debuxar o colar que tiña Catía,....
O mellor de todo é que nos vai deixar o cd para que poidamos escoitar a historia de Catía e xogar con ela sempre que queiramos. Xenial!!
