Recibimos correspondencia dende Valencia

Como xa sabedes, a nosa aula intercambia correspondencia coa aula de 3 anos do centro C.E.I.P. Mare de Déu dels Xics (La Font de la Figuera-Valencia) dentro do PROXECTO ARCE "TECE-REDES". Nun primeiro contacto mándamoslle unha foto de todos e todas na aula e unha cartiña na que lles demandabamos que se puxeran pronto en contacto porque tiñamos moitas ganas de coñecelos. Pois ben, nesta semana chegounos un paquete dende alí



que tiña dentro moitas cousiñas



unha carta de presentación que nos leu a profe Teresa



un conto con pictogramas




pins para tod@s feitos por eles e elas con fieltro



Tamén nos mandaban cousas que tiñan que ver cunha festa típica de alí que se celebra estes días : as fallas.

Rápidamente nos puxemos a pensar en que lles poderíamos mandar como resposta a tantos agasallos e ocorréusenos que podíamos facer un libro-xogo coas nosas fotos e os nosos nomes para que nos coñeceran mellor. A profe Vanesa nos fixo as fotos, a profe Teresa montou as páxinas cos nomes e as fotos, ata o conserxe Andrés colaborou plastificando e encuadernando!!!!!

A verdade é que quedou tan bonito que a profe dixo que iamos facer outro para poder levalo ás nosas casas por turno e xogar con el.

Agora só quedaba escribir unha cartiña e metela xunto co libro, nunha caixa co resto de traballos que fixeron as outras aulas






Cerramos a caixa. Gustaralles aos nosos amigos e amigas valencións? Seguro que si.